بومەلەرزەیەک بە گوڕی 4.7 پلە بە پێوەری رێختەر باکووری پارێزگای کرمانی لە باشووری رۆژهەڵاتی ئێران هەژاند.
پەیمانگەی بومەلەرزەزانیی لە زانکۆی تاران بڵاویکردەوە، بومەلەرزەکە لە کاتژمێر 4:37 خولەکی بەیانی لە دووری 33 کیلۆمەتر لە شاری رافر و لە قووڵایی 10 کیلۆمەتری زەوی روویداوە.
بەپێی راپۆرتی بنکەی ئۆپراسیۆنی کارەساتەکان لە زانکۆی کرمان، تا ئێستا هیچ حاڵەتێکی مردن یان برینداربوون بەهۆی بومەلەرزەکەوە نەگەیندراونەتە نەخۆشخانەکان.
