بەڕێوەبەرایەتیی پۆلیسی پارێزگای سلێمانی رایگەیاند، مەفرەزەکانی بەشی پۆلیسی قەرەداغ تەرمی ئەو هاوڵاتییەیان دۆزییەوە کە لەسەرەتای ئەم مانگەوە چارەنوسی نادیار بوو.
لە راگەیەندراوێکدا بەڕێوەبەرایەتیی پۆلیسی پارێزگای سلێمانی ئاماژەی بەوە کرد، ”دوای ئەوەی هاوڵاتییەک بەناوی نەجمەدین محەمەد ساڵح، تەمەن 75 ساڵ لە رۆژی 1ی ئایاری 2024ەوە لەماڵ چووبووە دەرەوە و چارەنووسی نادیار بوو، سەرەنجام ئەمڕۆ تەرمی هاوڵاتییەکە لە قۆپییەکانی قەرەداغ لەلایەن هێزەکانی پۆلیسەوە دۆزرایەوە”.
دەشڵێت، ”ئێستا تیمەکان سەرقاڵی گواستنەوەی تەرمەکەن بۆ پزیشکی دادوەریی بەمەبەستی لێکۆڵینەوە لە هۆکاری گیانلەدەستدانی هاوڵاتییەکە”.
