وەزارەتی نەوتی عێراق لە راگەیەندراوێكدا بانگهێشتی وەزارەتی سامانە سروشتییەكان و كۆمپانیاكانی بەرهەمێنانی نەوت لە هەرێمی كوردستان بۆ كۆبوونەوەیەكی بەپەلە لە بەغداد دەكات بە مەبەستی دەستپێكردنەوەی هەناردەی نەوتی هەرێم بەپێی ئەو بڕەی لە یاسای بودجەدا دیاریكراوە.
بەپێی راگەیەندراوێكی وەزارەتی نەوتی عێراق تێیدا هاتووە، بانگهێشتی وەزارەتی سامانە سروشتییەكان و كۆمپانیاكانی بەرهەمهێنانی نەوت لە هەرێمی كوردستان بۆ كۆبوونەوەیەك دەكەین بەمەبەستی رێككەوتنێكی خێرا بۆ دەستپێكردنەوەی هەناردەی نەوتی هەرێم لە رێگای بەندەری جەیهانەوە بەپێی ئەو بڕەی لە یاسای بودجەدا دیاریكراوە.
هەر لە راگەیەندراوەكەدا هاتووە، ئامانج لە كۆبوونەوەكە گەیشتنە بە رێككەوتنێك بۆ دەستپێكردنەوەی هەناردەی نەوتی هەرێم.
