پارێزگاری كەركوك رایدەگەیەنێت، یاسای گەڕاندنەوەى موڵك و ماڵ بۆ خاوەنەكانیان ئەمڕۆ بڵاوكرایەوە و جێبەجێدەكرێت.
رێبوار تەنها، پارێزگاری كەركوك لە كۆنگرەیەكی رۆژنامەوانیدا رایگەیاند، ئەمڕۆ بڕیاری گەڕاندنەوەى زەوی و موڵك و ماڵ بۆ خاوەنە رەسەنەكانیان بڵاوكرایەوە و داوادەكەن هاولاتیان رێگایان بدەن بە هێمنی كارەكان رابپەڕێنن.
وتیشى، “بەهیچ شێوەیەك رێگا بەهیچ كەسێك نادەین رەفتاری تاكەكەسی بەرانبەر بە جوتیاران ئەنجامبدات و ئەو سەربازەشی دوێنێ ئەو رەفتارە نا پەسەندەی بەرانبەر جوتیارەكەی سەرگەڕان ئەنجامدا لەسەر داوای ئێمە بەندكراوە و لیژنەی لێكۆڵینەوەشی بۆ پێكهێندراوە”.
رێبوار تەها روونیشیكردەوە، “لە دوێنێوە لەسەر هێڵین سەبارەت بە كێشەكانی جوتیاران و سوپای عێراق و لە نزیكەوە چاودێری بارودۆخەكە دەكەین و بەخێرایی تەواوی كێشەكانیش چارەسەر دەكەین”.
