بەڕێوەبەری گشتیی حەج و عومرەی هەرێم رایدەگەیەنێت، سبەی یەكەم كاروانی حاجییان لە رێگای ئاسمانییەوە بۆ سعودیە بەڕێدەكەون.
شێخ نیاز نەقشبەندی، بەڕێوەبەری گشتیی حەج و عومرەی هەرێمی كوردستان لە لێدوانێكدا بە تۆڕی میدیایی ئێستای راگەیاند، سبەی دووشەممە، یەكەم كاروانی حاجییانی هەرێمی كوردستان بە رێگای ئاسمانی بەرەو سعودیە بەڕێدەكەون.
ئاشكراشیكرد، 29ی ئەم مانگە یەكەم كاروانی حاجییانی هەرێم بە رێگای وشكانی بۆ بەجێگەیاندنی فەریزەی حەج بەڕێدەكەون و چاوەڕواندەكرێت كۆتا كاروانی حاجییان لە 4ی حوزەیراندا بگەنە سعودیە كە ژمارەی حاجییانی هەرێمی كوردستان لە ئەمساڵدا 4685 حاجییە.
