وتەبێژی بەڕێوەبەرایەتیی پۆلیسی كەركوك رایدەگەیەنێت، دۆسیەی ئەمنیی كەركوك رادەستیی پۆلیسی پارێزگاكە دەكرێت و سوپا لە سەرجەم بازگەكان كشاوەتەوە.
عامر نوری، وتەبێژی بەڕێوەبەرایەتیی پۆلیسی كەركوك لە لێدوانێكدا بە تۆڕی میدیایی ئێستای راگەیاند، لەسەر فەرمانی محەمەد شیاع سودانی، سەرۆك وەزیرانی عێراق، سوپا لە تەواوی بازگەكانی سنووری پارێزگای كەركوك كشاوەتەوە، دۆسیەی ئەمنیی پارێزگاكە رادەستیی پۆلیسی پارێزگاكە دەكرێت و لە شوێنی سوپا، پۆلیسی خۆجێیی بازگەكان بەڕێوەدەبەن.
راشیگەیاند، ئەو بڕیارە تەنها پارێزگای كەركوك ناگرێتەوە، بەڵكو سەرجەم پارێزگاكانی عێراقە.
