رێكخراوی نه‌ته‌وه یه‌كگرتووه‌كان تایبه‌ت به ڕووبه‌ڕووبوونه‌وه‌ی بازرگانی به مرۆڤ و قاچاخچێتیی په‌نابه‌ران (GLO.act)، لە هەرێمی کوردستان دەستبەکاردەبێت و هاوکاریی حکومەتی هەرێم دەکات لە ڕووی یاساییەوە بەرەنگاری ئەو دیاردەیە ببێتەوە.
لە کۆبوونەوەی لەگەڵ سەرۆکی ئەنجومەنی دادوەریی هەرێم، مارتن ڕیڤ، ڕاوێژكاری رێكخراوه‌كه داوای له ئه‌نجومه‌نی دادوه‌ری كرد هەماهەنگ بێت و هاوكارییان بكات سه‌باره‌ت به‌و یاسایانه‌ی كه تایبه‌تن به ڕێگریكردن له بازرگانیكردن به مرۆڤ و قاچاخچێتیی په‌نابه‌ران له هه‌رێمی كوردستان و چۆنیه‌تی كارپێكردنیان له دادگاكان.
ئاماژەی بەوەشکردووە، ئه‌وان وه‌ك ڕێكخراوی تایبه‌ت به‌و بواره ده‌توانن یارمه‌تی هه‌رێمی كوردستان بده‌ن سه‌باره‌ت به‌و یاسا و ڕێسایانه‌ی كه پێویسته بگیرێنه به‌ر بۆ ڕووبه‌ڕووبوونه‌وه‌ی بازرگانیكردن به مرۆڤ و قاچاخچێتیی په‌نابه‌ران.
ڕێکخراوی (GLO.ACT Asia and the Middle East) لێکتێگەیشتنێکی هاوبەشە لەنێوان دامەزراوەی نێودەوڵەتیی کۆچ و نەتەوە یەکگرتووەکان و یەکێتیی ئەوروپا، بۆ ڕووبەڕووبوونەوەی کۆچی نایاسایی لە ڕۆژهەڵاتی ناوەڕاست.
ئەنجومەنی دادوەریی هەرێم ئامادەیی هاوکاریی لەگەڵ ڕێکخراوەکە نیشانداوە، بۆ بەرەنگاربوونەوەی قاچاخچێتی بە مرۆڤ و کۆچی نایاسایی.
