کۆی گشتیی بودجەی هەرێمی کوردستان لە بودجەی ئەمساڵی عێراق، 20 تریلیۆن و 910 ملیار و 463 ملیۆن و 950 هەزار دینارە.
پشکی هەرێمی کوردستان لە بودجەی گشتیی عێراق بۆ ساڵی 2024، 20 تریلیۆن و 910 ملیار و 463 ملیۆن و 950 هەزار دینارە، کە 14 تریلیۆن و 840 ملیار و 223 ملیۆن و 778 دینار بۆ بودجەی بەکاربردنە.
هاوکات، یەک ملیار و 116 ملیۆن دیناریش بۆ قەرزەکان دانراوە، کۆی خەرجیی وەبەرهێنانیش، چوار تریلیۆن و 954 ملیار و 240 ملیۆن و 172 هەزار دینارە.
بەپێی ئەو خشتەیەی بڵاوکراوەتەوە، قەبارەى بودجەى گشتیی ساڵی 2024ی عێراق، نزیکەى 210 تریلیۆن دینارە و 12 تریلیۆن دینارى لە بودجەى 2023 زیاترە.
