وەزارەتی بازرگانیی عێراق ئاشکرایکرد، لە ماوەی چەند رۆژی داهاتوودا شایستە داراییەکانی جووتیارانی هەرێمی کوردستان لە ساڵی 2015 – 2016 دابەشبکرێت.
ئەمڕۆ وەزیری بازرگانیی عێراق عثیر داود ئەلغورەیری، پێشوازی لە شاندێکی هەرێمی کوردستان کرد بۆ تاوتوێکردنی چەند پرسێک، گرنگترینیان بریتیبووە لە دانی شایستە داراییەکانی جووتیارانی هەرێم بۆ ساڵانی 2015-2016.
لە ڕاگەیەندراوەکەدا ئاماژە بەوەشکراوە، “هەردوولا باسیان لە پرسی وەرزی بازاڕکردن کردووە، وەرگرتنی بەرهەمی گەنم بۆ ئەمساڵ، دەستەبەرکردنی باجی جووتیاران و بازرگانەکان، هەروەها دەستەبەرکردنی ئاسایشی خۆراک و هەوڵەکانی وەزارەت بۆ پەرەپێدانی هەموو کەرتەکان.”
وەزیر ئەلغورەیری لە میانی دیدارەکەدا جەختی لەوە کردەوە، “گرنگی هاوکاری نێوان دەسەڵاتی یاسادانان و جێبەجێکردن، بە شێوەیەک کە بەشداربێت لە پەرەپێدانی ئەدای حکومەت، کە لە بەرامبەردا لە کاری کەرتە جیاوازەکاندا ڕەنگ دەداتەوە، و ئەمەش خزمەت دەکات”. هاوڵاتیان.”
بەپێی راگەیەندراوی وەزارەتی بازرگانیی عێراق، لە ماوەیەکی نزیکدا شایستە داراییەکانی جوتیارانی هەرێمی کوردستان بۆ ساڵانی 2015 – 2016 دابەشدەکرێت.
