قوباد تاڵەبانی جێگری سەرۆک وەزیرانی هەرێم لە کونسوڵخانەی کۆماری ئیسلامی ئێران لە هەولێر بەشداریی لە پرسەی ئیبراهیم رەئیسی سەرۆک کۆماری ئێران و تیمی یاوەری کرد.
ئەمڕۆ سێشەممە قوباد تاڵەبانی سەردانی کونسوڵخانەی گشتیی کۆماری ئیسلامیی ئێرانی لە شاری هەولێر کرد.
لەو سەردانەیدا جێگری سەرۆک وەزیران بەناوی حکومەتی هەرێمەوە پرسە و سەرەخۆشی لە نەسروڵا رەشنودی کونسوڵی گشتی و دیپلۆماتکارانی ئەو وڵاتە کرد بۆ کۆچی دوایی ئیبراهیم رەئیسی سەرۆک کۆمار و حوسێن ئەمیر عەبدوللهیان وەزیری دەرەوە و هاوڕێکانیان و رایگەیاند، دڵنیاین ئیرادەی گەل و حکومەتی ئێران دەتوانێت ئەم قۆناغ و ئەم رۆژە ناخۆشانە تێپەڕێنێت.
