میدیای ئێران بڵاویكردەوە گەڕان بە دوای هەلیكۆپتەرەكەی ئیبراهیم رەئیسی سەرۆكی ئێران بەردەوامە و 40 تیمی فریاگوزاری و تەندروستی گەیشتوونەتە شوێنی رووداوەكە.
ئاماژە بۆ ئەوەش كراوە، بەهۆی تەمومژ و كەشوهەوای ناوچەكەوە تائێستا چارەنووسی هەلیكۆپتەرەكە نادیارە.
میدیاكانی ئێران بڵاویانكردەوە یەكێك لە هەلیكۆپتەرەكانی ئیبراهیم رەئیسی سەرۆك كۆماری ئێران لە كاتی رۆشتنی بەرەو پارێزگای ئازەربایجانی رۆژهەڵات دووچاری رووداوێك بوو و بەوهۆیەوە كەوتەخوارەوە.
لەو بارەیەوە ئاژانسی هەواڵی “تەسنیم”ی ئێرانی بڵاویكردەوە، “ئەو هەلیكۆپتەرەی كە سەرۆك كۆماری ئێران و وەزیری دەرەوەی ئێرانی هەڵگرتبوو بەرەو پارێزگای ئازەربایجانی رۆژهەڵات رۆیشتوون و دووچاری رووداوێك بوون”.
ئاماژە بۆ ئەوەش كراوە، لەو سێ هەلیكۆپتەرە دووانیان كە ژمارەیەك وەزیر و بەرپرسیان هەڵگرتبوو بە سەلامەتی گەیشتنە شوێنی خۆیان.
