کونسوڵخانەی ئەمریکا لە هەولێر، رایدەگەیەنێت، “شانەدەر زێد ئامۆزای دێرینمانە”.
کونسوڵخانەی ئەمریکا لە هەولێر، لە راگەیەندراوێکدا دەڵێت، (شانەدەر زێد)، ژنێکی نیاندەرتاڵی تەمەن 75 هەزار ساڵە کە شەش ساڵ پێش ئێستا ئێسکی کەللەسەری لە ئەشکەوتی شانەدەر لە هەرێمی کوردستان دۆزرایەوە.
لە راگەیەندراوەکەدا هاتووە، شوێنەوارناسانی زانکۆی کەیمبرج دوبارە نەخشی دەموچاویان کێشاوەتەوە و ئەمەش زانیاریی نوێمان دەداتێ دەربارەی روخساری ئامۆزا دێرینەکانمان.
کونسوڵخانەی ئەمریکا لە هەولێر ئەوەش دەڵێت، تیمێکی زانکۆی کۆڵۆمبیا لە ئەمریکا بە رابەرایەتیی شوێنەوارناسی ئەمریکی راڵف سۆلێکی بۆ یەکەم جار لە ساڵی 1957 لە ئەشکەوتی شانەدەر کاری هەڵکەندنیان ئەنجامدا و ئێسکەپەیکەری نیادەرتاڵەکانیان دۆزیەوە کە مێژووەکەیان دەگەڕایەوە بۆ نزیکەی 65 هەزار ساڵ پێش ئەوکات.
