لەزانکۆی دهۆک 85 خوێندکار بەهۆی خواردنی خراپەوە ژەهراوی بوون

ژمارەیەک لە خوێندکارانی زانکۆی دهۆک دوای ئەوەی لە یەکێک لە کافتریاکانی ناو کۆمەڵگای زانکۆ نانیان خواردووە ژەهراوی بوون و هەندێکیان دوو ڕۆژە لە نەخۆشخانەن.

پەیامنێری تۆڕی میدیایی ئێستا لە دهۆک گواستییەوە، ژمارەی خوێندکارەکان 85 خوێندکارن و سەرجەمیان لە هەردوو کۆلێژی زانست و پەروەردەی بنیاتن لەزانکۆی دهۆک.

بەپێی زانیارییەکان ئەو خوێندکارانە لەیەکێک لە کافتریاکان لەناو کۆمەڵگای زانکۆی دهۆک خواردنیان خواردووە، دواتر بەهۆی ژەهراویبوونیانەوە تووشی سکچوون و ڕشانەوەبوون.

لەوبارەیەوە بێوارموسا بەرپرسی ڕاگەیاندنی زانکۆی دهۆک بەتۆڕی میدیایی ئێستای ڕایگەیاند، “ئێمە لیژنەیەکمان پێکهێناوە بۆ بەدواداچوونی ژەهراوی بوونی ئەو ژمارە لە خوێنداکاران کە بەهۆی خواردنی کافتریایەک بووە و دواتر ئەنجامی بەدواداچونەکانمان بڵاودەکەینەوە”.

بەپێی پەیامنێری تۆڕی میدیایی ئێستا، ژمارەیەک  لەو خوێندکارانە ماوەی دوو ڕۆژە لەنەخۆشخانە ماونەتەوە و چارەسەر وەردەگرن.

بابەتی پێشتر

وەزارەتی دەرەوەی پۆڵەندا بۆ  کۆچبەران: گەشتکردن لەڕێگەی بیلاڕوسیاوە بڕیارێکی پڕ مەترسییە

بابەتی دواتر

بەریتانیا پلانی سەربازیی بۆ ئەگەری داگیركردنی ئۆكرانیا ئامادەكردووە

بابەتی پەیوەندیدار
Total
1
Share