خوێندكارانی بەشەناوخۆیی شەهید شەوكەت شێخ یەزیدین لە شاری هەولێر خۆپیشاندانیان ئەنجامدا و داوای دابینكردنی خزمەتگوزاریی دەكەن.
پەیامنێری تۆڕی میدیایی ئێستا لە شاری هەولێر گواستییەوە، كەمێك پێش ئێستا خوێندكارانی بەشەناوخۆیی شەهید شەوكەت شێخ یەزیدین لە شاری هەولێر بەهۆی نەبوونی خزمەتگوزاریی لە بەشەناوخۆییەكەیان خۆپیشاندانیان ئەنجامدا و داوا دەكەن لایەنی پەیوەندیدار خزمەتگوزارییەكانیان بۆ دابینبكات.
ئاماژەی بۆ ئەوەش كرد، خوێندكاران شەقامی سەرەكیی بەردەم بەشەناوخۆییەكان داخستووە و داوا دەكەن داواكارییەكانیان بۆ جێبەجێبكرێت.
