ئەمشەو، شەممە لە چوارچێوەی ڕوبەڕوبوونەوەکانی هەفتەی 18ی خولی پلە یەکی ئیسپانیا، یانەی بەرشلۆنە بردنەوەیەکی گەورەی بەرانبەر غەڕناتە تۆمارکرد.
غەڕناتە لە ستادیۆ نیۆڤۆ لۆس کارمینێس میوانداری بەرشلۆنەی کرد و یاری نێوانیان بە بردنەوەی کەتەلۆنیەکان بە ئەنجامی (0-4) کۆتاییهات.
لە سەرەتاکانی تایمی یەکەم ئەستێرەکانی بارسا گوشاری توندیان دروستکرد و چەندین هەلی مەترسیداریان ڕەخساند، لە خولەکی 12 ئەنتوان گریزمان گۆڵێکی ناوازەی تۆمارکرد و لە خولەکەکانی 35 و 42 لیۆ مێسی دوو گۆڵی دیکەی تۆمارکرد، ئەو تایمەش بە ئەنجامی سێ گۆڵی بێوەڵام کۆتاییهات.
https://streamable.com/2mm1hv
لە تایمی دووەمدا ئەستێرەکانی کومان هێرشەکانیان چڕتر کرد، لە خولەکی 63 ئەنتوان گریزمان گۆڵی دووەمی خۆی و چوارەمی یانە کەتەلۆنیەکەی تۆمارکرد، یارییەکەش هەر بەو ئەنجامە کۆتاییهات (0-4).
بەپێی ئەنجامە تۆمارکراوەکە، بەرشلۆنە بە کۆکردنەوەی (34) خاڵ لە پلەی چوارەمەوە بۆ پلەی سێیەمی ڕیزبەندی یانەکانی لالیگا سەرکەوت.
