یەكێتیی تۆپی پێی جیهان لیستی كۆتایی ئەو یاریزانانەی بڵاوكردەوە كە ڕكابەری لەسەر خەڵاتی زە بێستی فیفا دەكەن.
بڕیاڕە 17ی مانگ لە زیوریخ، لە ئاهەنگێكی گەورەدا، فیفا باشترین یاریزانی جیهان دیاریبكات.
لیستی كۆتایی پاڵێوراوان بریتین لە هەرسێ یاریزان لیۆنێل مێسی-ی ئەرجەنتینی، محەمەد سەڵاح-ی میسری و ڕۆبێرت لیڤاندۆڤیسكی-ی پۆڵەندی.
لیڤاندۆڤیسكی وەرزی ڕابردوو ناسناوی خولی ئەڵمانی بەدەستهێناوە و جگە لەوەی گۆڵكاری خولی ئەڵمانیا بووە، پێڵاوی زێڕینیشی بردووەتەوە.
مێسی-ش لەگەڵ ئەرجەنتین بووەتە پاڵەوانی كوپا ئەمریكا و لەگەڵ بەرشلۆنەش جامی شای ئیسپانیای بەدەستهێناوە.
هەروەها محەمەد سەڵاح وەرزی ڕابردوو دووەم گۆڵكاری پریمەرلیگ بووە و ئەم وەرزەش تا ئێستا پێشەنگی گۆڵكارانی گرتووە و ئاستێكی نمونەیی پێشكەش دەكات.
