وەزارەتی تەندروستیی هەرێم ئاگاداری هاوڵاتییان دەكاتەوە بە ھیچ شێوەیەك سەردانی شوێنی نەورەسەكان لە دەریاچەی دوكان نەكەن.
بەپێی راگەیەندراوێكی وەزارەتی تەندروستیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای بڵاوبوونەوەی چەند وێنەیەك لە سۆشیاڵمیدیا كە تێیدا ژمارەیەكی زۆر لە باڵندە نەورەسەكان بەھۆی نەخۆشییەوە مرداربوون.
هەر لە راگەیەندراوەكەدا هاتووە، وەزارەتی تەندروستی بە ھەماھەنگیی لەگەڵ بەڕێوەبەرایەتیی گشتیی تەندروستیی راپەڕین ئاگاداری ھاوڵاتییان دەكاتەوە كە بە ھیچ شێوەیەك سەردانی شوێنی نەورەسەكان نەكەن لە دەریاچەی دوكان، ئەمەش لەپێناو سەلامەتیی تەندروستی خۆیان و كۆمەڵگا.
وەزارەتی تەندروستی جەختدەكاتەوە و دەشڵێت، “لێرەوە جارێكی دیكە ئەوە دووپاتدەكەینەوە كەوا جگەلە تیمە پسپۆڕەكان و لایەنە پەیوەندیدارەكان ھیچ كەسێك سەردانی نیشتیمانی نەورەسەكان نەكات تاكو بە رەسمی دڵنیایی دەدرێت لە جۆری نەخۆشییەكە و سەلامەتی بۆ مرۆڤ لە لایەن ڤێتێرنەری سنوورەكە.
