راپرسییەکی تایبەتی رۆژنامەی گاردیان ئاشکرایکردووە، سەدان زانای پێشەنگی کەشناسی لە جیهاندا پێشبینی دەکەن لەم سەدەیەدا تێکڕای پلەکانی گەرمیی جیهان بەلایەنی کەمەوە 2.5C بەرزببێتەوە.
نزیکەی 80% بەشداربووانی پانێڵی نێوان حکومەتەکان بۆ گۆڕانی کەشوهەوا IPCC پێشبینی گەرمبوونی لانیکەم 2.5 پلەی سیلیزی جیهان دەکەن، هاوکات پێشبینی برسێتی، ململانێ و کۆچی بەکۆمەڵ دەکەن کە بەهۆی شەپۆلی گەرما، ئاگرکەوتنەوە سروشتییەکان، لافاو و زریانەکانەوە روودەدەن.
ژمارەیەکی زۆر لە شارەزایان ئاماژەیان بەوەشکردووە، سەرەڕای ئەو بەڵگە زانستییە روونانەی کە پێشکەشیانکردووە بەڵام هەست بە بێهیوای و توڕەیی و ترس دەکەن بەهۆی شکستی حکومەتەکانەوە لە رووبەڕووبوونەوەی گۆڕانی کەشوهەوا و جەختلەوە دەکەنەوە کە شەڕی رووبەڕووبوونەوەی گۆڕانی کەشوهەوا دەبێت بەردەوام بێت.
سەبارەت بە شکستی رووبەڕووبوونەوەی قەیرانی کەشوهەوا ئەو زانایانە ئەوەیان خستووەتەڕوو، ئیرادەیەک بۆ ئەو کارە بوونی نییە چونکە کاردەکاتە سەر 60%ی بەرژەوەندییە تایبەتەکانی کۆمپانیاکانیانی جیهان.
