هێڵى ئاسمانیى عێراق ئامادەکارى بۆ کردنەوەى هێڵێکى گەشتى چوون و هاتن لەگەڵ پەککین-ى پایتەختى چین دەکات.
وەزارەتى گواستنەوەى عێراق بڵاویکردەوە، هێڵى ئاسمانیى عێراق لە ئامادەکاریکدا بۆ کردنەوەى دووەم هێڵى گەشت بەرەو چین و بەتایبەتیش بۆ پەککین-ى پایتەخت و لەئێستادا کار لەسەر تەواوکردنى ئامادەکارییە پێویستەکان دەکات بۆ ئاسانکاریى گەشتەکان لەنێوان بەغدادى پایتەخت و پەککین.
ئەو راگەیەندراوە لەدواى رێوڕەسمێک بوو بەبۆنەى تێپەڕبوونى 10 ساڵ بەسەر کردنەوەى گەشتى راستەوخۆى نێوان بەغداد و کوانجۆ، کە لە چین بە ئامادەبوونى باڵیۆزى عێراق لەو وڵاتە و بەرپرسانى چین و نوێنەرى کۆمپانیاکانى هەردوو وڵات بەڕێوەچوو.
