وەزارەتی تەندروستی هەرێم ڕایدەگەیەنێت، 139 توشبووی نوێی كۆرۆنا لە هەرێم تۆماركراون و سێ توشبووش گیانیان لەدەستداوە.
وەزارەتی تەندروستی هەرێمی كوردستان ئەمڕۆ شەممە 9ی كانونی دووەم ئاماری 24 كاتژمێری تایبەت بە كۆرۆنای بڵاوكردەوە و دەڵێت، لەو ماوەیەدا سێ هەزار و 773 پشكنین ئەنجامدراون و لەو ژمارەیە 139 توشبووی نوێ تۆماركراون.
هەر لەو ماوەیەدا 962 توشبوو چاكبوونەتەوە و سێ توشبووش گیانیان لەدەستداوە كە دوانیان لە سلێمانی بووە، وەك ئەوەی لە ڕاگەیەنراوەكەی وەزارەتەكەدا هاتووە.
كۆی گشتی توشبووانی كۆرۆنا بە هەرێم گەیشتە 104 هەزار و 334 توشبوو و لەو ژمارەیە 79 هەزار و دوو توشبوو چاكبوونەتەوە و سێ هەزار و 418 توشبووش گیانیان لەدەستداوە.
