سەرۆکی یەکێتیی نیشتمانیی کوردستان گەیشتە واشنتن و دیدار و كۆبوونەوەكانی دەستپێدەكات.
پێشتر نووسینگەی رۆژنامەوانیی سەرۆكی یەكێتی رایگەیاند، بافڵ جەلال تاڵەبانی، سەرۆكی یەكێتیی نیشتمانیی كوردستان بە سەردانێكی رەسمی دەچێتە ئەمریكا.
ئاشكراشیكرد، لە میانەی سەردانەكەیدا، زنجیرەیەك دیدار لەگەڵ بەرپرسانی باڵای حكومەتی ئەمریكا لەناویاندا وەزارەتی دەرەوە، كۆنگرێسی ئەمریكا و ناوەندەكانی توێژینەوە ئەنجامدەدات.
بافڵ جەلال تاڵەبانی دوێنێش لە ئیمارات بەشداری لە پرسەی شێخ تەحنون بن محەمەد ئالنەهیان کرد و سەرەخۆشی لە شێخ محەممەد بن زاید ئالنەهیان، سەرۆکی ئیمارات کرد.
