محەمەد شیاع سودانی، سەرۆکوەزیرانی عێراق و باڵیۆزی ئەمریکا تاوتوێی بەدواداچوونی کارەکانی لیژنەی چالاککردنی رێککەوتنی چوارچێوەی ستراتیژی کرد.
نوسینگەی راگەیاندنی سەرۆکوەزیرانی عێراق بڵاویکردەوە، ئالینا رۆمانۆڤسکی، باڵیۆزی ئەمریکا لە عێراق سەردانی سودانی کرد و گفتوگۆی هەنگاوەکانی لیژنەی چالاککردنی کارەکانی چوارچێوەی ستراتیژی کران.
باس لەوەشکراوە، لە میانی دیدارەکەدا گفتوگۆی پەیوەندییە دووقۆڵییەکان لە بوار و فایلە جیاوازەکاندا کراوە و بەدواداچوون دەکرێت بۆ ئەو لێکتێگەیشتن و یاداشتانەی لە سەردانەکەی سەرۆک وەزیران بۆ ئەمریکا واژووکران سەبارەت بە لایەنەکانی وزە، بازرگانی و بابەتەکانی دیکەوە.
