ئاست بەرزی پێدری و نمایشە ناوازەکانی چەند هەفتەی ڕابردووی، لەڕووی داراییەوە کاریگەرییان دروستکردووە و لە ئێستادا وەک یەکێک لە لاوە گرانبەهاکان مامەڵەی لەگەڵ دەکرێت.
بەپێی نوێترین داتاکانی ترانسفێر مارکت، بایەخی پێدری لە مانگی تشرینی دووەمی ساڵی 2020 تەنها 30 ملیۆن یورۆ بووە، بەڵام لەگەڵ تێپەڕبوونی کات و بەشداریکردنی وەک ئەستێرەیەکی کارا لە پێکهاتەکانی ڕۆناڵد کومان 20 ملیۆن یورۆ زیادیکردووە، واتە گەیشتووەتە 50 ملیۆن.
بەپێی ڕیزبەندییە داراییەکان، لە ئێستادا پێدری یەکێکە لە گرانبەهاترین لاوانی بواری تۆپی پێ، بەڵام ئەوەی سەیرە، لیۆ مێسی ئەفسانەی زیندووی بارسا نرخی لە 100 ملیۆنەوە بۆ 80 ملیۆن دابەزیوە، واتا 20 ملیۆن کەمیکردووە.
Wait for that Messi and Pedri link-up for Barcelona's second goal 😍https://t.co/mB11E9GnkF
— GOAL (@goal) January 6, 2021
بەهۆی کەمبوونەوەی نرخەکانەوە، پوڵگا لە ڕیزبەندی 10 گرانبەهاترینەکەی جیهان نەماوە و جواو فیلێکسی پۆرتوگالی کە نرخی 100 ملیۆنە هاتووەتە پلەی دەیەم.
بەپێی داتا نوێیەکانی سەنتەری لێکۆڵینەوە وەرزشییە نێودەوڵەتییەکان، لە ئێستادا مارکۆس ڕاشفۆردی یاریزانی یونایتد و ئێرلینگ هالاندی هێرشبەری بوروسیا دۆرتمۆند دوو گرانبەهاترین یاریزانن لە جیهاندا.
