سەرۆکی پێشووی یانەی بەرشلۆنە و پارێزەری ناوداری هەرێمی کەتەلۆنیا، خوان لاپۆرتا جارێکی دیکە خۆی بۆ پۆستی سەرۆکایەتی یانەی بەرشلۆنە کاندیدکردەوە.
ئەمڕۆ، دووشەممە خوان لاپۆرتا بە فەرمی پڕۆژەیەکی نوێ لەژێر نونیشانی ” گەڕاندنەوەی خۆشییەکان” و خۆکاندیدکردنی بۆ پۆستی سەرۆکایەتی یانەی بەرشلۆنە ئاشکراکرد.
سەرۆکە مێژووییەکەی ئازولگرانا لە وەڵامەکانیدا ئاماژەی بە بارودۆخی مێسی کرد و ڕیاگەیاند، ” مێسی بەرشلۆنەی خۆشدەوێت و ڕێزی یەکدی دەگرین، بەڵام تاوەکو ئێستا لەبارەی بەردەوامبوونیەوە قسەم لەگەڵدا نەکردووە، دڵنیام چانسێکی دیکە دەداتە یانەکەمان، ئەگەر هەڵببژێردرێم لەگەڵیدا قسەدەکەم و دەرفەتی پێدەدەین، دەشزانین ئۆفەری پێگەیشتووە، لە ساڵی 2006 ماسیمۆ مۆراتی 250 ملیۆنی پێشکەشکردین، بەڵام ئێمە ڕەتمان کردەوە و خودی یاریزانەکەش ڕەتیکردەوە، ئەو یاریزانێک نەبووە بۆ پارە بژی، کاتی ئەوەدێت پێشنیازی خۆمانی بۆ بکەین و ئێمە باشدەناسێت، هەرگیز خیانەت و گزیمان لێنەکردووە و لە یەکەم ڕۆژی هەڵبژاردنمدا پڕۆژەی یانەکەمانی بۆ ڕووندەکەمەوە بەتایبەت لەڕووی داراییەوە”.
لە بارەی گەڕانەوە بۆ بارسا، دەڵێت، ” دەمەویت دووبارە خزمەتی یانەی بەرشلۆنە بکەم و هەستدەکەم ئەو گڕوتین و هێزەم تێدایە بەم کارە هەڵبستم، پلانمان هەیە بەرشلۆنە بگەڕێنینەوە لوتکە، ئەگەر من هەڵببژێرن دەبێتە قورسترین تاقیکردنەوە لە ژیانمدا و بە ئازایەتی و بوێرییەوە یانەکە باشتر و باشتر دەگڕێنینەوە”.
👏 Gràcies a totes i tots els que ens heu acompanyat avui presencialment i telemàticament! Us demanem que ens seguiu acompanyant per a assolir el repte més gran de les nostres vides.
❤️ Estimem el Barça! Visca el Barça! Visca Catalunya!
#EstimemElBarça pic.twitter.com/yXDH7oxw6t
— Estimem el Barça (@estimemelbarca) November 30, 2020
هەروەها لەبارەی کڕینی یاریزانی نوێ یاخود فرۆشەوە دەڵێت، ” وەک ڕێزێک بۆ یاریزانە باشەکانی یانەکەمان هیچ شتێک لەو بارەیەوە ناڵێین، پێویستە ڕێزی زیاتر لە ڕۆناڵد کومان بگرین”.
لە وەڵامی پرسیارێکدا دەربارەی گواردیۆلا، دەڵێت: هیواخوازین بگەڕێتەوە و ڕۆژێک لە ڕۆژان بەیەکەوە نازناوەکان بچنینەوە، بەڵام دەزانم لە یانەکەی بەختەوەرە و لە ئێستادا بژاردەیەک نییە بۆ ئێمە، نە ئەو و نە تیکسیکی بیگریستاین”.
لە کۆتاییدا لاپۆرتا دووپاتیدەکاتەوە، هەوڵدەدەن ڕێچکەی یۆهان کرۆیف بگەڕێننەوە، ئەو کەسایەتییەی یانەکەی لە ئاستێکەوە بردە ئاستێکی دیکە و سەردەمی بەختەوەری یانەکەی نوسییەوە.
