ئەندامێکی ئەنجومەنی نوێنەرانی عێراق رایگەیاند، سبەینێ ئەنجومەنی وەزیرانی عێراق بڕیار لەبارەی دۆسیەکانی داهاتی نەوتی و نانەوتیی هەرێم دەدات.
شێروان دووبەردانی، ئەندامی ئەنجومەنی نوێنەرانی عێراق لە لێدوانێکدا ئاشکرایکرد، بڕیارە لە کۆبوونەوەکەی سبەینێ ئەنجومەنی وەزیرانی عێراق بڕیار لەسەر راپۆرتەکانی وەزارەتی نەوت و ئەنجومەنی دەوڵەت بدات و تاوتوێیان بکات، بڕیاریش لەبارەی دۆسیەکانی داهاتی نەوتی و نانەوتی هەرێم دەدات.
وتیشی، حکومەتی هەرێم بە سەرجەم مەرجەکانی بەغداد رازی بووە، داهاتی نەوتی و نانەوتی رادەستی بەغداد دەکات، تاوەکو مانگانە مووچەی مووچەخۆرانی هەرێم بنێردرێت.
ئەوەشی خستەڕوو، بەغداد رۆژانە بیانووی نوێ دەهێنێتەوە و لە بنەڕەتدا نادەستوورییە حکومەتی هەرێم داهاتەکانی رادەستی بەغداد بکات.
