ئێشكگری كەناراوەكانی ئیتاڵیا 1100 كۆچبەر رزگاردەكات

ئێشكگری كەناراوەكانی ئیتاڵیا رزگاركردنی زیاتر لە 1100 كۆچبەر لەسەر دوو بەلەم رادەگەیەنێت و دەڵێت، دوو تەرمیش لە ئاوەكانی دەریای سپیی ناوەڕاستدا دەرهێنراونەتەوە.

رێكخراوی ئەلەرم فۆن-ی ناحكومی رایگەیاند، پڕۆسەی رزگاركردنەكە بۆ دوو بەلەم ئەنجامدرا كە رووبەڕووی دژواری ببوونەوە لە ئێوارەی سێشەممە و بەیانی ئەمڕۆ، دوای ئەوەی پێكەوە كەناراوەكانی لیبیا-یان جێهێشتبوو.

ئەوەشی وت، “پێمانوترا یەكێكیان نزیكەی 700 كەس و دووەم نزیكەی 650 كەسی هەڵگرتووە، پێمان گەیشت كە كەسێك گیانیلەدەستداوە و بزوێنەرەكانیان كارناكات” بەهۆیەوە داوای بەهاناوەچوون و رزگاركردنیان كرد.

بەپێی ئێشكگری كەناراوەكان، كەشتییەكەیان (دیسیوتی) 416 كەسیان لە بەلەمی یەكەم رزگاركردووە، لەكاتێكدا تیمێكی ئیسپانی 78 كەسی رزگاركردووە، بەلەمی دووەمیش لە شەودا رزگاركراوە، چوار تیمی سەر بە ئێشكگری كەناراوەكانی ئیتاڵیا نزیكەی 663 كەسیان رزگاركردووە و دوو تەرمیشیان دەرهێناوەتەوە.

دوێنێ جۆرجیا میلۆنی، سەرۆك وەزیرانی نوێی ئیتاڵیا بەڵێنیدا بە “راگرتنی كۆچی نایاسایی لە ئەفریقاوە و دانانی سنوورێك بۆ بازرگانیكردن بە مرۆڤەوە” لە دەریای سپی ناوەڕاستدا.

بابەتی پێشتر

لوقمان وەردی: یەكێتی سوورە لەسەر هەمواركردنەوەی یاسای هەڵبژاردن

بابەتی دواتر

كارەبای ئەم شوێنە لە سلێمانی دەكرێتە پریپەید

بابەتی پەیوەندیدار
زیاتر ببینە

یوسف قەرزاوی کۆچی دواییکرد

یوسف قەرزاوی سەرۆکی پێشووی یەکێتیی جیهانیی زانایانی مسوڵمان کۆچی دواییکرد. تویتەری تەیبەتی یوسف قەرزاوی بڵاویکردەوە، زانای جیهانی ئیسلامی…
Total
0
Share