مایک واڵتز، راوێژکاری ئاسایشی نیشتمانیی ئەمریکا و ئەلێکس وۆنگ، جێگرەکەی، دەستیانلەکارکێشایەوە.
بەپێی میدیاکانی ئەمریکا، هۆکاری دەستلەکارکێشانەوەی مایک واڵتز و ئەلێکس وۆنگ، دەگەڕێتەوە بۆ “لەدەستدانی متمانەی بەرپرسانی دیکەی ئیدارەی ئەمریکا”.
رۆژنامەی “گاردیان” دەڵێت، لە سەرەتای دەستبەکاربوونیدا وەک سەرۆکی ئەمریکا، ترەمپ ویستوویەتی واڵتز لە پۆستەکەی دووربخاتەوە، ئەوەش بەتۆمەتی دزەپێکردنی زانیاریی هەستیاری ئەمریکا، سەبارەت بە هێرشە مووشەکییەکانی واشنتن لە یەمەن، پێش ئەوەی ئەنجامبدرێن.
رۆژنامەکە ئەوەشی ئاشكراکردووە، لەم هەفتەیەدا بەرپرسانی ئیدارەی ئەمریکا بە واڵتز و وۆنگ-یان وتووە کە کاتیان کۆتاییهاتووە و پێویستە دەستلەکاربکێشنەوە.
