توێژینەوەیەکی نوێ دەڵێت، یەک رێگە هەیە بۆ کەمکردنەوەی مەترسییەکانی مەرگی پێشوەختەی بۆماوەیی بە رێژەی 62% و ئەوەش پەیڕەوکردنی ژیانی تەندروستە.
دکتۆر شیو لی راگری کۆلێژی پزیشکیی زانکۆی زیجیان لە چین و سەرپەرشتیاری توێژینەوەکەیە و باسی لەوەکردووە، هەر کەسێک ژیانێکی تەندروست بژی ئەوە مەترسییەکانی مەرگی پێشوەختەی بۆماوەیی لەسەر کەمدەبێتەوە.
ئەوەی گرنگە، شێوازی ژیانی تەندروستە، کە خۆی لە خۆراکی تەندروست (خواردنی زۆری ریشاڵەکان و میوە و سەوزە و کەم خواردنی کاربۆهایدرایت و چەورییەکان و دوورکەوتنەوە لە دوکەڵ و خواردنەوەی کهولی) خەوی تەندروست، (7 بۆ 9) کاتژمێر، ئەنجامدانی وەرزشی رۆژانە، دەگرێتەوە.
