وەزارەتی شارەوانی و گەشتوگوزار لە فەرمانێكدا ئاماژەی بەوەکردووە، لەسەر رێژەی (15%)ی داهاتی سەرۆكایەتیی شارەوانیی رانیە، رەزامەندی دەربڕی لەسەر خەرجكردنی گوژمەی 60 ملیۆن و 689 هەزار دینار بۆ شارەوانیی رانیە.
بەپێی فەرمانە وەزارییەكە، ئەو گوژمەیە لەسەر داهاتی شارەوانیی رانیەیە و بەپێی پلانی شارەوانی بەمەبەستی جێبەجێكردنی پرۆژەی كۆنكرێتكردنی شەقام لە ناوچەی پیشەسازی لە رانیە خەرجدەكرێت.
