لە بەرەبەیانی ئەمڕۆوە کارەبای نیشتمانی لە تەواوی هەرێمی کوردستان کوژاوەتەوە و تا ئێستا هەڵنەکراوەتەوە.
ئەنوەر حەمە سەعید بەڕێوەبەری گشتیی کارەبای سلێمانی بە تۆڕی میدیایی ئێستای راگەیاند، لە کاتژمێر 4:00 ی بەرەبەیانی ئەمڕۆوە کارەبای نیشتمانی لە تەواوی پارێزگاکانی هەرێم کوژاوەتەوە.
تا ئێستا وەزارەتی کارەبای هەرێم هیچ زانیارییەکی لەبارەی هۆکاری کوژانەوەی کارەبا بڵاونەکردووەتەوە.
بڕانی کارەبای نیشتمانیی کێشەی بۆ زۆرێک لە دامەزراوە و شوێنە گشتییەکان دروستکردووە و هەر بەو هۆیەوە بازاڕی دۆلار لە شاری سلێمانی بەرووی هاوڵاتییاندا داخرا.
