كارەبای هەرێم رایدەگەیەنێت، چاوەڕوانی چارەسەربوونی شوێنەواری هێرشەكەی شەوی رابردوو و ئاسایبوونەوەی دۆخی كارەبان.
وەزارەتی كارەبای هەرێم رایگەیاند، پاش هێرشە درۆنییەكەی سەر كێڵگەی كۆرمۆر، قەرەبووی بەشێکی زۆری زیانەکانی کەمبوونەوەی 2500 مێگاواتی بەرهەمهێنانی کارەبا کراوەتەوە و ئاستی بەرهەمهێنانی كارەبا گەیشتووەتەوە 1600 مێگاوات.
دەشڵێت، لە ئێستادا وەزارەتیان لە چاوەڕوانیی چارەسەركردنی شوێنەواری هێرشەكە و دەستپێكردنەوەی پەستانی گاز بۆ هەرسێ وێستگەی هەولێر و سلێمانی و بازیان و ئاسایبوونەوەی دۆخەكەدایە.
شەوی رابردوو، بە فڕۆکەی بێفڕۆکەوان هێرشکرایە سەر کێڵگەی غازی کۆرمۆر لە چەمچەماڵ و بەو هۆیەوە چوار کرێکار گیانیان لەدەستدا و دووانی دیکەش برینداربوون کە سەرجەمیان بیانین.
بەهۆی هێرشەکەوە زیانێکی ماددی زۆریش بە کێڵگەکە گەیشت و بووەهۆی کەمبوونەوەی بەرهەمهێنانی کارەبای هەرێم بە بڕی دوو هەزار و 500 مێگاوات.
