قوباد تاڵەبانی لێپرسراوی مەكتەبی سكرتارییەتی سەرۆك مام جەلال، بۆ كۆچی دوایی فەرماندە و تێكۆشەری دێرین عەلی شامار، پەیامێكی ھاوخەمیی ئاڕاستەی خانەوادەی كۆچكردوو دەكات و دەڵێت، “كۆچكردوو فەرماندەیەكی ئازای پێشمەرگە و كوڕی خانەقین و گەرمەسێربوو، كۆچكردنی جێگای داخی ھەمووانە”.
دەقی پەیامەكە…
بەڕێزان خێزان و خانەوادەی كۆچكردوو فەرماندە عەلی شامار
بەبیستنی ھەواڵی كۆچی دوایی فەرماندە و تێكۆشەری دێرین (عەلی شامار)، نیگەران و دڵگران بووم.
كۆچكردوو عەلی شامار تێكۆشەرێكی ماندوونەناسی شۆڕش و كوردایەتی، فەرماندەیەكی ئازای پێشمەرگە و كوڕی خانەقین و گەرمەسێربوو، كۆچكردنی جێگای داخی ھەمووانە.
بەم بۆنە خەمناكەوە پرسەو سەرەخۆشی لەئێوە و خانەوادە نیشتمانپەروەرەكەتان دەكەم و ھاوبەشی خەمتانم.
خوای گەورە لەكۆچكردوو خۆش بێت و جێگای بەھەشت بێت، سەبووری و دڵنەواییش بەھەموو لایەك ببەخشێت.
انا للە وانا الیە راجعون
قوباد تاڵەبانی
لێپرسراوی مەكتەبی سكرتارییەتی سەرۆك مام جەلال
