بافڵ تاڵەبانی سەرۆكی یەكێتیی نیشتمانیی كوردستان لە چاوپێكەوتنەكەی لەگەڵ پێگەی Iraq oil report باسی لە تێكچوونی هاوكێشە سیاسییەكان لە هەرێمی كوردستان و كاریگەرییەكەیان لەسەر گەشەسەندنی كەرتی غاز و دانوستاندنەكان دەكات و دەڵێت:-
-حكومەتی هەرێم پلانی هەبوو كە بۆرییەكی نوێی غازی سروشتی ڕابكێشێت بە مەبەستی دابینكردنی وزەی زیاتر بۆ وێستگەكانی وزەی ژێر دەسەڵاتی یەكێتی و پارتی كە لە داهاتوودا بەكاربهێنرێت بۆ هەناردەكردنی غازی سروشتی بۆ توركیا.
-تەندەری بۆرییەكە درا بە گروپی كۆمپانیاكانی (كار) كە نزیكە لە پارتی و كار گروپ ئەم گرێبەستەی پێیبەخشراوە و ئەمەش سووكایەتییە بە خەڵكی هەرێمی كوردستان و عێراقیش”.
-من تێناگەم كە ویستێك هەیە نایەوێت لەگەڵ بەغدا ڕێكبكەوین و تەنها بەسرە هەزارجار لە هەرێمی كوردستان دەوڵەمەندترە.
– ئێمە و پارتی دوو حزبی جیاوازین و دوو ئامانجی جیاوازمان هەیە.
– حكومەتەكەی مەسرور بارزانی بە سیاسی كراوە.
– دەمانەوێت بەڕێوەبەرێكی گشتی بگۆڕین ناتوانین!! دەمانەوێت جێگرێكی وەزیر بگۆڕێن ناتوانین!! وەزیرێك دەیەوێت دەستلەكاربكێشێتەوە ناتوانێت!!
- سەرجەم پرۆژەكان لە سلێمانی وەستاون و چەندین كۆمپانیا سلێمانییان بەجێهێشتووە، بەڵام لە هەولێر وانییە.
-ناردنی دەرمان بۆ نەخۆشخانەكان، پارەی دەرماڵەی خوێندكاران، پارەی مووچەخۆران، خزمەتگوزاری پێشمەرگە، نەسریەی پێشمەرگە و نادرێن.
-لە راستیدا ئەمە دوو ئیدارەییەكی واقیعیە، لەبەر ئەوەی سلێمانی خۆی پارەی خۆی دابیندەكات.
