تەرمی پیاوێکی تەمەن 35 بۆ 45 ساڵان، لە ئاوی ئەحمەد ئاوا نزیک ناحیەی خورماڵ دۆزرایەوە.
بەرزان عوسمان، وتەبێژی بەڕێوەبەرایەتیی پۆلیسی پارێزگای هەڵەبجە، لە راگەیەندراوێکدا بڵاویکردەوە، ئێوارەی ئەمڕۆ هەینی تەرمی پیاوێکی نەناسراو کە تەمەنی نزیکەی 35 بۆ 45ساڵان دەبێت، لەناو ئاوی ئەحمەد ئاوا لەنزیک ناحیەی خورماڵ بەخنکاوی دۆزرایەوە کە هیچ ناسنامەیەکی پێنیە.
دەشڵێت، تەرمەکە رەوانەی پزیشکی دادی پارێزگای هەڵەبجە کرا، و پەڕاوی لێکۆڵینەوە بۆ رووداوەکە لە بنکەی پۆلیسی خورماڵ رێکخراوە.
وتەبێژی پۆلیسی هەڵەبجە ئەوەش دەڵێت، داوا لەهاوڵاتییان دەکەین هەرکەسێک خزم و کەسو کاری نادیارە، سەردانی پزیشکی دادی پارێزگای هەڵەبجە بکات بەمەبەستی ناسینەوەی تەرمەکە.
