لەگەڵ ئەوەی رۆژانە بەشێك لە هاوڵاتییان بەردەوام دووچاری گرفت و دڵەراوكێ دەبن، بەڵام چەند رێگایەك هەیە بۆ ئەوەی رۆژانە بتوانیت لانیكەم دۆخی خۆت ئارام بكەیتەوە و زانایان و پسپۆرانی دەروونی ئاماژەیان بۆ ئەوەكردووە كە چەند رێگا هەن دەتوانیت رۆژانە كاریان لەسەر بكەیت و فشارە دەروونییەكان كەمبكەیتەوە
ئەو هەنگاوانە بریتین لە:
1. رۆیشتن، بە پێ بۆ ماوەیەك كە دەتوانێت كەشێكی ئارام بۆ خۆت دروستبكەیت.
2. هەناسەدانی قووڵ، بە بڕوای بەشێك لە پسپۆرانی بواری تەندروستی یارمەتیدارە بۆ كەمكردنەوەی نیگەرانی و دڵەراوكێ.
3. رێكخستنی ژوور و شوێنی كارەكەت، كە ئەمەش هۆكارێكی دیكەیە تاوەكو بتوانرێت فشارە دەروونییەكان لەسەر كەمبكرێتەوە.
4. خوێندنەوە و نووسین لە رۆژنامە و گۆڤارەكان كە ئەوەش رێگایە بۆ كەمكردنەوەی فشارە دەروونییەكان و رێگایەكە بۆ بیركردنەوەیەكی فراوانتر و دووركەوتنەوە لە جەنجاڵییەكان.
5. گوێگرتن لە میوزیك: پسپۆران پێیانوایە رۆژانە چەند خولەكێك گوێگرتن لە میوزیك دەروونت ئارامدەكاتەوە كە دەتوانێت بە شێوەیەكی بەرچاو فشارە دەروونییەكان كەمبكەیتەوە.
