بەڕێوەبەری كەشناسیی سلێمانی رایدەگەیەنێت، بەپێی پێشبینییەكان لە ئەمشەوەوە بارانبارین دەستپێدەكات و چاوەڕواندەكرێت تا كۆتایی ئەم هەفتەیە كەشوهەوا ناجێگیربێت.
ئاسۆ كەمال بەڕێوەبەری كەشناسیی سلێمانی لە لێدوانێكدا بە تۆڕی میدیایی ئێستای راگەیاند، لە دوو رۆژی رابردوودا بارانبارین بە كات و شوێنی جیاواز هەبووە و بەپێی پێشبینییەكان لە ئەمشەوەوە بارانبارین دەستپێدەكات و سبەی كە یەكەم رۆژی جەژنە باران بە كاتی جیاواز دەبارێت.
بەڕێوەبەری كەشناسیی سلێمانی وتیشی، “چاوەڕواندەكرێت تا كۆتایی ئەم هەفتەیە كەشوهەوا بە ناجێگیری بمێنێتەوە و كەشی بەهارییە كە زۆر كات تاوە باران دەبارێت”.
