كارەبای سلێمانی رایدەگەیەنێت، لێخۆشبوونی 20%ی كرێی كارەبا لەمڕۆوە چووە بواری جێبەجێكردنەوە.
بەڕێوەبەرایەتیی گشتیی كارەبای سلێمانی رایگەیاند، ئەمڕۆ سکرتایەتی ئەنجومەنی وەزیران بە نوسراوی ژمارە (4650) بڕیاری لێخۆشبوون بە رێژەی 20%ی پارەی كرێی كارەبای سەر بەشداربووانی ئاراستەی وەزارەتی کارەبا كرد و داواشیكردووە بڕیارەكە لە رۆژی گشتاندییەوە لە ئەمڕۆ 7ی نیسان بچێتە بواری جێبەجێکردنەوە.
لێخۆشبوونەكە لە كۆبوونەوەی ژمارە (128)ی رۆژی (2024/3/27)ی ئەنجومەنی وەزیران بڕیاری لێدرا و بەپێی نووسراوەكەی كارەبای سلێمانی، تا ئاسایی بوونەوەی بارودۆخی ناهەمواری دارایی لە هەرێم كاری پێدەكرێت.
