وهزارهتى دارایی عێراق 200 ملیار دینارهكهى بۆ ههرێمى كوردستان نارد.
فارس عیسا، سهرۆكى نوێنهرایهتیى حكومهتى ههرێمى كوردستان له بهغداد به تۆڕی میدیایی ئێستاى ڕاگهیاند، ئهمڕۆ بهغداد 200 ملیار دینارهكهى ڕهوانهى ههرێم كردووه.
سەرچاوەیەكی وەزارەتی دارایی هەرێمیش ناردنی پارەكەی بۆ تۆڕی میدیایی ئێستا دووپاتكردەوە، ڕایگەیاند، خراوەتە سەر ژمارەی بانكیی وەزارەتەكە، دواتر وەزارەتی دارایی بە فەرمیی گەیشتنی پارەكەی ڕاگەیاند.
فارس عیسا هۆكارى دواكهوتنى 200 ملیار دینارهكەی بۆ ئهوه گەڕاندەوە، كە وەزارەتەكانی حكومەتی فیدراڵیش پارهدار نهكرابوون (تهمویل).
وهزارهتى دارایی هەرێمی كوردستان له 25ی مانگى ڕابردووهوه دهستی به دابهشكردنى مووچهى مانگى تشرینى دووهم كردووه، بڕیارە سبەینێ بە دابەشكردنی مووچەی خانەنشینیی شارستانی كۆتایی بە دابەشكردنی مووچەی مانگی تشرینی دووەم بێت.
حكومەتی هەرێم بۆ دابەشكردنی مووچەی تشرینى دووهم 200 ملیار دینارەكەی بەكارنەهێناوە، دیار نییە مووچەی مانگی كانوونی یەكەم لەكاتی خۆیدا دابەشدەكرێت، یان نا.
كەمێك لەمەوبەر، وەزارەتی دارایی و ئابووریی هەرێمی كوردستان لە نووسراوێكدا ڕایگەیاند، پاش دواكەوتنی بۆ ماوەی چەند ڕۆژێك، ئەمڕۆ دووشەممە بڕی 200 ملیار دینار بەپێی ڕێككەوتنی هەرێم و بەغداد گەیشتە هەرێمی كوردستان.
