بەپێی زانیارییەكانی تۆڕی میدیایی ئێستا لە گوندی عبووری سنووری پارێزگای كەركوك، منداڵێكی تەمەنی چوار ساڵ، كەوتووەتە ناو پڕۆژەی ئاوی قەزای داقوق و خنكاوە.
ئاماژە بۆ ئەوەش كراوە، دوای نزیكەی شەش كاتژمێر ، تەرمی منداڵەكە لەلایەن چەند مەلەوانێكی گوندەكەوە دۆزراوەتەوە و دەرھێندراوە و دواتر ڕەوانەی پزیشكی دادی كەركوك كراوە بەمەبەستی توێكاری.
هەر بە پێی زانیارییەكان منداڵەكە لە نەتەوەی عەرەبە و دوای توێكاری لە پزیشكی دادی كەركوك، تەرمەكەی رادەستی كەسوكاری كراوەتەوە.
