رێككەوتن كراوە لەسەر سەرلەنوێ هەناردەكردنەوەی نەوتی هەرێم لەڕێی بەندەری جەیهانی توركییەوە، وەك ئەوەی سەرچاوەیەكی ئاگادار ئاماژەی پێدەدات.
سەرچاوەكەوە رایگەیاند، رێككەوتنێك هەیە لەسەر سەرلەنوێ هەناردەی نەوت بە بەكارهێنانی هێڵی كەركوك-موسڵ-جەیهان، وتیشی، “بەپێی رێككەوتنەكە لە 10ی ئەم مانگە هەناردەكردن بەشێوەی ئەزموونی ئەنجامدەدرێت”.
سایتی بەغداد لیەوم لە زاری سەرچاوەكەوە روونیشیكردەوە، “ئەگەر كێشەی تەكنیكی نەبێت، هەناردەكردن لە 1ی ئایارەوە دەستپێدەكات بەپێی رێككەوتنی عێراق و توركیا”.
هەناردەی نەوتی هەرێمی كوردستان لە 25ی ئازاری ساڵی رابردووەوە راگیرا، پاش بڕیارێكی دادگای دادوەریی نێودەوڵەتی لە پاریس لەدوای ئەو سكاڵایەی عێراق دژ بە توركیای تۆماركردبوو.
