پۆلیسی سلێمانی دەستگیرکردنی کەسێکی بە تۆمەتی دزیکردن راگەیاند کە زیاتر لە 30 ملیۆن دیناری دزیبوو.
بەڕێوەبەرایەتیی پۆلیسی سلێمانی بڵاویکردەوە، دوای ئەوەی هاوڵاتییەک سکاڵای تۆمارکرد کە لەماڵەکەیدا بڕی 30 ملیۆن دینار و شەش هەزار 800 دۆلاری لێ دزراوە، دەستبەجێ هێزەکانی پۆلیس لێکۆڵینەوەکانیان دەستپێکرد و پاش وەرگرتنی بڕیاری دادوەر، توانرا لەماوەیەکی کەمدا تۆمەتبار بدۆزرێتەوە و لەلایەن مەفرەزەکانی نوسینگەی راپەرینی نەهێشتنی تاوانی سلێمانییەوە دەستگیربکرێت.
ئاشکراشیکرد، توانرا دەستبگیرێت بەسەر بڕێک لەپارە دزراوەکەدا و دوای رێکارە یاساییەکان و لەسەر بڕیاری دادوەر بۆ خاوەنەکەی دەگەڕێنرێتەوە.
جەختیشیکردەوە، تۆمەتبار (ئـ، ت، س) لەدایکبووی 1988 دانی بەتاوانەکەیدا ناوە و لە ئێستادا بە بڕیاری دادوەر و بەپێی ماددەی 443 لە یاسای سزادان راگیراوە و لێکۆڵینەوەکان بەردەوامن.
