وەزارەتی دارایی و ئابوری حکومەتی هەرێمی کوردستان، رێنماییەکی تایبەت بە راگرتنی خەرجییەکانی دام و دەزگاکانی حکومەتی هەرێمی بڵاوکردەوە و دەڵێت، مووچە و پێشینە خەرجکراوەکانی مانگانە ناگرێتەوە.
ئەمڕۆ چوارشەممە، وەزارەتی دارایی و ئابوریی حکومەتی هەرێمی کوردستان، رێنماییەکی تایبەتی بڵاوکردەوە کە تیایدا رایگەیاندوە، لە رێککەوتی 10/12/2024ەوە خەرجییەکانی تایبەت بە دامەزراوەکان رادەگیرێت.
ئاماژەیان بەوەشکردوە، ئامانجییان لە راگرتنی خەرجییەکان بۆ یەکلاکردنەوەی ژمێرەکانە، بێجگە لە کۆمەڵێک خەرجی وەک: مووچە و پێشینەی خەرجکراوی مانگانە و کرێیەکانی مانگانە و خواردن و دەرمان و خاوێنکردنەوە و تەمویلکردنی تایبەت بە پرۆژەکانی وەبەرهێنان و پەرەپێدان لە پارێزگاکانی هەرێم ناگرێتەوە.
