بەپێی خشتەی مووچەی وەزارەتی دارایی حکومەتی هەرێم بۆ مانگی ئازار، لە ماوەی سێ رۆژدا دەبێت مووچەی سەرجەم وەزارەتەکان دابەشبکرێت، لەو نێوەندەشدا کە ئەمڕۆ دووەم رۆژی خشتەکەیە مووچەی 11 دەستە و وەزارەت دابەشدەکرێت.
بەپێی خشتەکە، ئەمڕۆ یەکشەممە مووچەی وەزارەتەکانی تەندروستی و کاروباری کۆمەڵایەتی و دارایی و ئابووری و ناوخۆ، دابەشدەکرێت.
هاوکات، مووچەی دەستەی مافی مرۆڤ و دەستەی دەستپاکی و دەستەی وەبەرهێنان و دەستەی ژینگە و دەزگای مین و ناوچەکانی دەرەوەی هەرێم و کۆمسیۆنی باڵای هەڵبژاردن دابەشدەکرێت.
هەر بەگوێرەی خشتەکەی وەزارەتی دارایی هەرێم رۆژی سێشەممە 26 شوێن کە دەمێنن دەبێت مووچەکانیان وەربگرن و کۆتایی بە دابەشکردنی مووچەی مانگی ئازار بێت.
