پیاوێكی تەمەن 111 ساڵی دانیشتووی كەركوك بەشداری لە دەنگدان بۆ هەڵبژاردنی ئەنجومەنی پارێزگای كەركوك دەكات.
بەهادین مام رەش لەدایكبووی ساڵی 1912یە و كەسوكارەكەی دەڵێن، هاوڕێ و دۆستی دێرینی سەرۆك مام جەلال-ە.
بەهادین مام رەش وتی، “ئەمە رۆژی كوردە، سەركەوتنێكی پێوەبوایە باش بوو”.
كاتێك پرسیاری ئەوەشیان لێكرد، چی وایكردووە بەو تەمەنەوە روو لە ناوەندەكانی دەنگدان بكات وتی، “لە بەر كورد هاتووم”.
یەكێك لە نەوەكانی بۆ تۆڕی میدیایی ئێستا باس لەوەدەكات زۆر بە پەرۆشبوو بۆ بەشداریكردن لە دەنگدان و وتی، “چەند رۆژێكە دەپرسێت كەیە و چۆن دەچین؟”.
