بە ڤیدیۆ.. كۆكردنەوەی كۆمەك بۆ شۆفێرێك دوای سوتانی تەكسییەكەی

تەكسییەكە دوای سوتانی

دوای ئەوەی تەكسییەك لە سلێمانی گریگرت و زیانی بەركەوت، شۆفێران و هاوڵاتییان بە كۆكردنەوەی كۆمەك پاڵپشتییان بۆ دەربڕی.

ئێوارەی ئەمڕۆ لەسەر شەقامی بازنەیی مەلیك مەحمود لە سلێمانی ئۆتۆمبێلێكی تەكسی لە جۆری كرۆلا گریگرت و بەهۆیەوە زیانی گەورەی بەركەوت.

ڕووداوەكە جگە لە زیانی ماددی، زیانی گیانی لێنەكەوتەوە.

دوابەدوای ڕووداوەكە بەشێك لە ڕێبوار و شۆفێرانی شەقامەكە هەڵمەتێكی كۆكردنەوەی پارەیان بۆ شۆفێرەكەی دەستپێكرد.

غاندی هەڵەبجەیی یەكێكە لەو كەسانە، سەرەڕای ناردنی ڤیدیۆی ساتی كۆكردنەوەی كۆمەكەكە بۆ تۆڕی میدیایی ئێستا، خۆشحاڵی خۆی بەو ئاستی هەرەوەز و پاڵپشتییە دەربڕی و بە یەكێك لە جوانی و زیندوێتییەكانی شاری سلێمانی و هاوڵاتییانی كورد ناویبرد.

بابەتی پێشتر

بافڵ جەلال تاڵەبانی: ئەركی هەموومانە بە ڕۆحی نیشتمانی و بەرپرسیارانە كاربكەین

بابەتی دواتر

نرخی دۆلار لە یەكسانبوون لەگەڵ یۆرۆدا نزیكدەبێتەوە

بابەتی پەیوەندیدار
Total
1
Share