وەزیری شارەوانی و گەشتوگوزاری هەرێم رایدەگەیەنێت، ئامادەكاری بۆ دابەشكردنی زەوی بەسەر فەرمانبەراندا كراوە و دەشڵێت، “بە شێوازی خاڵبەندی فەرمانبەران لە وەرگرتنی زەوی سوودمەند دەبن”.
ساسان عەونی وەزیری شارەوانی و گەشتوگوزاری هەرێم لە دیدارێكی تەلەفزیۆنیدا رایگەیاند، بەپێی بڕیارەكەی ئەنجومەنی وەزیرانی هەرێم زەوی بەو فەرمانبەرانە دەدرێت كە پێشتر سوودمەندنەبوون و بۆ ئەو مەبەستە چەند كۆبوونەوەیەك كراوە و ئامادەكاری بۆ دابەشكردنی زەوی بەسەر فەرمانبەراندا كراوە.
وتیشی، “پێدانی زەوی لەسەر بنەمای سیستمی خاڵبەندی دەبێت واتا ساڵانی خزمەت، خێزان، منداڵ و دەبێت كە چەند رێنماییەكی نوێ دەدرێت و رەزامەندی ئەنجومەنی وەزیرانی بۆ وەردەگیرێت و جگەلەوەش بۆ دابەشكردنی زەوی پێویستمان بە فراوانكردنی ماستەرپلانی شارەكان هەیە”.
