وابڕیارە سبەینێ شەممە 6ی 4ی 2024، بافڵ جەلال تاڵەبانی سەرۆکی یەکێتیی نیشتمانیی کوردستان سەردانی بەغدا بکات.
بەپێی زانیارییەکانی تۆڕی میدیایی ئێستا، لە سەردانەکەیدا، بافڵ جەلال تاڵەبانی چەندین کۆبوونەوە و دیداری سیاسی گرنگی سەبارەت بە مافەکانی گەلی کورد و مووچەخۆران و یەکخستنی هەوڵەکان بۆ چارەسەرکردنی کێشەکانی نێوان هەولێر و بەغداد، دەبێت.
هەر بە پێی زانیارییەکان، سەردانەکەی سەرۆک بافڵ بۆ بەغداد لەچوارچێوەی بەردەوامی هەوڵەکانیدایە بۆ زامنکردنی موچەی موچەخۆرانی هەرێم و پاراستنی مافەکانی کۆمەڵانی خەڵکی کوردستان، هەروەک سوپاسکردنی سەرۆک وەزیران، لایەنە سیاسیەکانی پێکهێنەری حکومەتی عێراق کە بەدەنگ داواکاری یەکێتیی نیشتمانیی کوردستانەوە هاتن و هەماهەنگ بوون بۆ چارەسەرکردنی کێشەکانی بەردەم مووچەخۆرانی هەرێم.
