سكرتێری ئەنجومەنی وەزیرانی هەرێم رایدەگەیەنێت، لێكتێگەیشتنی هاوبەش لە نێوان هەرێم و بەغداد بۆ چارەسەركردنی كێشەی مووچە هەیە و دەشڵێت، “بڕیارە پرسی مووچە بە دوور بگیرێت لە هەموو ناكۆكیی و كۆت و بەندەكان و وەك شایستەی دارایی مووچەخۆر مامەڵەبكرێت.
ئامانج رەحیم سكرتێری ئەنجومەنی وەزیرانی هەرێم لەگەڵ جەیمس گۆڵدمان، كونسوڵی گشتیی بەریتانیا كۆبوووە و رایگەیاند، لە کۆبوونەوەکەدا گفتوگۆمان كرد لەسەر دوا پەرەسەندنەكانی پەیوەندیی نێوان هەرێم و بەغداد بە تایبەتی كۆبوونەوەكانی دوێنێمان لە بەغداد لەگەڵ وەزارەتی دارایی عێراق.
دەشڵێت، “لێكتگەیشتنی هاوبەش لەگەڵ بەغداد لە بارەی خەرجكردنی مووچەی مووچەخۆرانی هەرێم و چارەسەركردنی مووچەی پێشمەرگە و هێزە ئەمنییەكان و تەواوكردنی رێكارەكانی ناردنی مووچەی مانگی سێ هەیە كە وا بڕیارە بابەتی مووچە بە دوور بگیرێت لە هەموو ناكۆكیی و كۆت و بەندەكان و وەك شایستەی دارایی مووچەخۆر مامەڵەبكرێت.
