وەزارەتی پێشمەرگە رایگەیاند، رۆژی یەكشەممەی داهاتوو مووچەی مانگی ئازاری لیواكانی پیادەی وەزارەتی پێشمەرگە دابەشدەكرێت.
بەپێی راگەیەندراوێكی وەزارەتی پێشمەرگە كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای ئەوەی هاوكاریی هێزەكانی هاوپەیمان بۆ هێزی پێشمەرگە خراوەتە سەر هەژماری وەزارەتی پێشمەرگە، بەڕێوەبەرایەتیی گشتیی بودجە و بەرنامەكان(ژمێریاریی سەربازی) رێكارە دارایی و ژمێریارییەكانی ئەنجامداوە.
هەر لە راگەیەندراوەكەدا هاتووە، بانكەكان ئاگاداركراونەتەوە رۆژی یەكشەممە 7ی نیسان 2024، مووچەی مانگی3ی لیواكانی پیادەی وەزارەتی پێشمەرگە دابەشبكرێت.
