لێپرسراوی دەزگای هەڵبژاردنی یەكێتی رایدەگەیەنێت، ئەگەر هەڵبژاردن نەكرێت قەوارەی هەرێمی كوردستان دەكەوێتە بەردەم مەترسیی گەورەوە و دەشڵێت، “یەكێتی دەچێتە هەڵبژاردنەوە و بەشداریی پڕۆسەكە دەكات”.
رزگار حاجی حەمە، لێپرسراوی دەزگای هەڵبژاردنی یەكێتیی نیشتمانیی كوردستان لە دیدارێكی تەلەفزیۆنیدا رایگەیاند، ئەگەر هەڵبژاردنی پەرلەمانی كوردستان نەكرێت قەوارەی هەرێم دەكەوێتە بەردەم مەترسیی گەورەوە و ئێمە ناوی كاندیدەكانمان پێشكەشكردووە و دەچینە هەڵبژاردنەوە و هانی هەموو لایەك دەدەین بەشداربن.
وتیشی، “پێشتر یەكێتی بە هۆكاری دواخستنی هەڵبژاردن تۆمەتبار دەكرا، بەڵام یەكێتی هەموو كات بۆ هەڵبژاردن ئامادەبووە و بۆ کورسیی کۆتاكان سەرنج و تێبینی خۆمان لە رابردوودا خسووەتەروو جگەلەوەش ئێستا بەرەی توركمانی بەشداریی هەڵبژاردن دەكات و لیستی ناوی كاندیدەكانی پێشكەشكردووە”.
